Италијанските медиуми пренесуваат дека младиот голман на Милан Донарума, би можел да си замине уште во јануари.
Вчерашниот ден на Апенините помина во знакот на талентираниот голман.
Беше откриено писмо кое му го испратил на клубот, во кое вели дека под психолошки стрес го потпишал договорот, јасно е дека зад тоа стои Рајола.
Правдањата на голманот дека го потпишал договорот под психолошки стрес, дури и за Италија делуваат нестварно, тој притисок од страна на навивачите навистина постоел, но секако е тешко да се најде начин да се поништи тој договор.
Според договорот, неговата клаузула би изнесувала 70 милиони, ако Милан влезе во Лигата на шампионите, а 40 ако не успеат во тоа.
Се чини дека обидите на Рајола, Милан да го продаде Донарума ќе вродат со плод.
Се зборува дека клубот тоа му го соопштил вчера и со оваа продажба би спасиле дел од вложените пари во промашената сезона.
Но, цената за заминување во јануари е 70 милиони евра, сума која тешко дека ја ќе плати заинтересираниот ПСЖ.
Директорот Фасоне призна дека ќе мора без Лига на шампиони да се ослободи од неколку играчи, се зборува дека тоа е и Андре Силва, но заминувањето на Донарума би ја покрило дупката.
Многумина во Милан, но и самите навивачи сметаат дека е подобро да го продадат во јануари отколку да чекаат на лето, бидејќи сезоната и е навистина лоша, а тој е далеку од минатогодишната форма.
Сепак, тешко дека некој во јануари ќе плати 70 милиони евра за Донарума, па останува да видиме каква ќе биде судбината на младиот голман.
