Поранешниот голман на Милан и натаму се обидува да си ја врати популарноста помеѓу „Росонерите“, сега преку тетоважа.
Џанлуиџи Донарума летово го напушти Милан и премина во ПСЖ, наспроти инсистирањето на навивачите тој да остане. Згора на тоа, неговото заминување не му донесе профит на клубот, бидејќи договорот му истече. Тоа додатно ги разгневи навивачите.
Кога како репрезентативец на Италија се врати во Милано во средата за полуфиналниот натпревар против Шпанија од Лигата на нации, секој допир на Донарума со топката беше исвиркуван од навивачите на „Џузепе Меаца“ со што јасно му ставија дознаење дека немаат намера да му го простат предавството.
Џуџи потоа гостуваше во ТВ шоуто „Le Iene“ каде истакна дека го сака Милан и на неговата рака стави привремена тетоважа од амблемот на клубот.
Но, на крајот од неговото гостување вети дека тетоважата ќе ја направи трајна.
„Кога ќе се вратиш во Париз, ќе отидеш кај тету артист и ќе ја направиш трајна?“, го праша водителот.
„Ќе видиме, ќе видиме... Ајде ќе го направам тоа!“, врати Џиџи по мала доза на полемика.