Само три натпревари се одиграа ноќеска во НБА лигата, а најинтересно беше во Денвер каде гостуваше Далас Маверикс.
Повеќе причини за славење од двете балкански суперѕвезди имаше Лука Дончиќ, чиј тим ги победи Никола Јокиќ и Денвер Нагетс тесни 116:115.
Дончиќ го забележа трипл-даблот број 52 во кариерата, постигнувајќи учинок од 22 поена, 10 скока и 12 асистенции.
На другата страна Јокиќ натпреварот го заврши со 19 поени, 8 скока и 8 асистенции.
И во преостанатите два натпревара победникот постигнуваше по 116 поени. Бојан Богдановиќ со 31 поен го предводеше Детроит Пистонс до победата од 116:96 кај Мајами Хит, додека Кливленд Кавалирс го победи Лос Анџелес Лејкерс со 116:102.
Донован Мичел постигна 43 поени за победничкиот тим, додека Леброн Џејмс имаше ефект од 21 поен со 17 скока.
Резултати:
Кливленд Кавалирс - Лос Анџелес Лејкерс 116:102
Мајами Хит - Детроит Пистонс 96:116
Денвер Нагетс - Далас Маверикс 115:116
Табела: