Синоќа се одиграа три натпревари во НБА плеј-офот во кои победи забележаа Далас, Феникс и Филаделфија и поминаа во вториот круг.
Далас славеше на гостувањето кај Јута со резултат 98:96 и продолжи со 4-2 во серијата.
Најзаслужен за триумфот на Маверикс беше одличниот Лука Дончиќ, кој мечот го заврши со 24 поени, 9 скока и 8 асистенции, додека пак, Донован Мичел постигна 23 поени со 8 скока и 9 асистенции.
Бојан Богдановиќ постигна 19 поени, но го промаши победничкиот удар на две секунди до крајот на натпреварот.
Ова беше прв пласман на Далас во вториот круг од плеј-офот по цели 11 години.
Феникс победи со 4-2 над Њу Орлеанс на гости со резултат 115:109 благодарение на маестралниот Крис Пол.
Пол одигра перфектно, а во веројатно најдобриот натпревар во кариерата постигна 33 поени со 8 асистенции. Плејмејкерот на Санс испиша историја шутирајќи 14 пати од игра и погодувајќи ги сите 14 пати, што никој никогаш не успеа да го направи во меч од плеј-офот.
Пласманот во второто коло со 4-2 во серијата го обезбеди победата на Филаделфија во Торонто со убедлив резултат 132:97 благодарение на одличниот Џоел Ембиид кој мечот го заврши со 33 поени и 10 скока и Џејмс Харден кој постигна 22. поени и постигна дури 15 асистенција.
Во второто коло на запад ќе се сретнат Феникс и Далас, додека Филаделфија ќе игра против Мајами.