Дончиќ и Ирвинг незапирливи за Минесота, Далас е на победа од големото финале

Далас Маверикс ја победи Минесота Тимбервулвс со 116:107 во третиот натпревар од финалето на Западната конференција и поведе со 3-0 во партии, па сега само една победа го дели од големото НБА финале.

Словенецот Лука Дончиќ одигра блескава партија со 33 поени, 7 скока и 5 асистенции, а исто толку поени додаде Кајри Ирвинг со 4 асистенции и 3 скока. ПиЏеј Вошингтон го заврши натпреварот со 16 поени, 8 скока и 2 асистенции, а Дерик Џонс додаде 11 поени со 2 скока и 2 асистенции.

Кај противничкиот тим најдобар беше Ентони Едвардс со 26 поени и по 9 скока и асистенции, а го следеше Мајк Конли со 16 поени и 4 асистенции. Џејден МекДениелс постигна 15 поени, додека Наз Рид и Карл-Ентони Таунс додадоа по 14 поени. Рид додаде 3 скока и 2 асистенции, а Таунс беше единетсвен на натпреварот кој запиша дабл-дабл откао додаде 11 скока, а запиша 3 асистенции. Двоцифрен беше и Андерсон со 10 скока и 3 асистенции.

Натпреварот број 4 е закажан во „Американ Ерлајнс Сентр“ арената во Далас кога Мавс ќе имаат шанса да се пласираат во финалето на НБА. Почетокот е во 2:30 часот по македонско време ноќта вторник кон среда, а директен пренос ќе има на Arena Premium 1.