Лука Дончиќ потврди дека ќе ја води Словенија на ЕвроБаскетот наредната 2025 година.
„Со нетрпение очекувам да играм за мојата земја. Гордост е, радост е да играм за мојата земја секогаш кога можам. Затоа ќе го повторам тоа“, рече Дончиќ.
Дончиќ во кариерата нема пропуштено ниту еден репрезентативен турнир.
Играше за Словенија на ЕвроБаскетот 2017, во квалификациите за Олимписки игри и на Олимписки игри во 2021, ЕвроБаскетот 2022, МундоБаскетот 2023 и квалификациите за Олимписките игри во 2024 година како и подоцна на самите Игри.
Голема е веројатноста Дончиќ да игра и на ЕвроБаскетот 2029, со оглед на тоа што Словенија е еден од кандидатите за коорганизатор на турнирот.
Словенија беше домаќин на ЕвроБаскетот во 2013 година, а Дончиќ како 18-годишник ја предводеше репрезентацијата до титулата во 2017 година.
ЕвроБаскетот 2025 ќе се игра од 27 август до 14 септември следната година, а домаќини ќе бидат Кипар, Финска, Полска и Латвија.
Дончиќ оваа сезона има просек од 28,7 поени со 8 скока и 7,9 асистенции за Далас Маверикс во НБА лигата.
