Милвоки Бакс го совлада Лос Анџелес Лејкерс со 126:106 и покрај брилијантниот настап на Лука Дончиќ, кој постигна 45 поени.
На тој учинок Словенецот додаде 11 скокови, а до полувремето веќе постигна 29 поени. Неговите 45 поени се негов најголем број поени од доаѓањето во Лејкерс, но ниту тоа не беше доволно за тимот од Лос Анџелес.
Остин Ривс додаде 28 поени за Лејкерс, кои го загубија третиот последователен натпревар. Леброн Џејмс го пропушти вториот натпревар по ред поради истегнување на левата препона.
Кај Милвоки, Јанис Адетокунбо оствари дабл-дабл учинок со 24 поени, 12 скокови и 9 асистенции, Брук Лопес постигна 23 поени, додека Демиен Лилард и Кевин Портер Џуниор додадоа по 22, со тоа што Лилард имаше и 10 асистенции.
Воедно, Стивен Кари стана првиот играч во историјата на НБА со 4.000 тројки во кариерата во меч во кој Голден Стејт Вориорс го совладаа Сакраменто Кингс со 130:104 и ја остварија шестата последователна победа.
Кари постигна 11 поени, со што рекордот го достигна во третата четвртина.
Curry is the first player in NBA history to reach 4,000 3-POINTERS MADE in a career 👏 https://t.co/sZ0249wW4B pic.twitter.com/K3rzGgEtpI
— NBA (@NBA) March 14, 2025
Вориорс ги предводеше Дрејмонд Грин со 23 поени, а исто толку кај Кралевите постигна Маркус ДеРозан.
Резултати:
Детроит Пистонс - Вашингтон Визардс 125:129
Милвоки Бакс - Лос Анџелес Лејкерс 126:106
Чикаго Булс - Бруклин Нетс 116:110
Њу Орлеанс Пеликанс - Орландо Меџик 93:113
Голден Стејт Вориорс - Сакраменто Кингс 130:104
Табела:
