Далас во интересен натпревар го совлада Бостон благодарение на Словенецот, додека Никола Јокиќ постигна 41 поен против Портланд.
Беше 107:107 кога Лука Дончиќ во последниот напад упати шут за три поени и со звукот на сирената ја протна топката низ обрачот носејќи му победа на Далас Маверикс над Бостон Селтикс.
Дончиќ натпреварот го заврши со скор од 31 поен, 10 скокови и 8 асистенции, додека кај гостите се истакнаа Џејлен Браун со 29 поени и Џејсон Тејтун со 28.
Нов добар натпревар одигра и српскиот центар Никола Јокиќ кој го предводеше Денвер Нагетс до победа против Портланд Треил Блејзерс.
Јокиќ постигна 41 поен со по 5 скокови и асистенции, а поддршка имаше од Џамал Мареј со 24 поени. Кај Портланд, најефикасен повторно беше Демиен Лилард со 25 поени и 13 асистенции, додека Кармело Ентони уфрли 24 поени.
Резултати:
Кливленд Кавалирс - Атланта Хокс 112:111
Орландо Меџик - Детроит Пистонс 93:105
Бруклин Нетс - Сакраменто Кингс 127:118
Далас Маверикс - Бостон Селтикс 110:107
Њујорк Никс - Голден Стејт Вориорс 106:114
Торонто Репторс - Филаделфија 76ерс 102:109
Милвоки Бакс - Минесота Тимбервулвс 139:112
Денвер Нагетс - Портланд Треил Блејзерс 111:106
Лос Анџелес Клиперс - Вашингтон Визардс 135:116