На холивудскиот актер му беше доделен медалот поради промоција на Србија во филмскиот свет.
Српскиот претседател Александар Вучиќ му додели Орден на честа на Џони Деп за време на синоќешната прослава на Денот на државноста во Белград. Деп го заслужил медалот поради „големи заслуги во јавните и културни активности, особено во филмската уметност каде ја промовирал Србија пред светот“, како што пренесува Balkan Insight.
„Искрено, искрено ви благодарам претседателе Вучиќ, а овој медал за заслуги, ако ми се даде чест да заминам со него, ви благодарам што сте доволно љубезни да ми го подарите. Во моментов буквално сум на почетокот на нов живот и ми се допаѓа, ми се допаѓа повторното започнување. И би сакал тој почеток да започне овде“, рече Деп го примањето на медалот.
Тој изминативе години учествуваше во неколку проекти поврзани со Србија, снимаше сцени од филмот „Minimata“ во Белград, а го позајми гласот за главниот лик во анимираната серија „Puffins“ чија продукција беше токму во Србија.
Тој спомна и за неговата соработка со режисерот Емир Костурица: „Имам една мала приказна што сакам да ја споделам со вас. Имав можност, всушност бев благословен одамна, пред многу години да запознам еден многу чуден човек, необичен. Штом го видов, знаев дека не припаѓа во Холивуд. Неговото име е Емир Кустурица. И Кустурица стана мој брат, неговото семејство стана мое семејство, ги гледав неговите деца како растат. Ова е една врска која ја имаме од првиот ден и кажува многу за една личност, особено како Емир Кустурица. Тој те сака, а кога те сака навистина те сака, а кога не те сака, навистина не те сака. И навистина ми се допаѓа тоа кај него. Тој навистина го кажува она во што мисли и верува во моментот“.
Потоа коментираше и за српските специјалитети како ќебапите и сливовата ракија, позната во Србија како шљивовица.
„Ја имам оваа страст што ја гаам за сѐ што имам овде... И ќебапи, се разбира, и шљивовица... Некој ми спомна, но никогаш немав шанса да пробам шљивовица... Па, можеби еднаш, во ред. И не добив ништо друго, само подароци и подароци, а моето искуство со луѓето овде што ми дадоа толку многу е сосема нов живот, како оној што ми го даде Емир“.
