Славниот актер Џони Деп сепак се враќа на снимањето филмови откако холивудската филмска индустрија му ја затвори вратата поради обвинувањата за злоставување на бившата сопруга Амбер Херд.
Деп и Херд се разведоа во 2017 година, откако таа го обвини дека ја тепал. Тој ги негираше сите обвиненија.
Деп можеби ќе биде непожелна личност во Холивуд, но тој сега се подготвува за следниот проект во Европа, поточно во Франција каде ќе ја толкува улогата на францускиот крал Луј XV во новиот филм на француската режисерка Мајвен ле Беско.
Филмот ќе се снима во Версајскиот дворец и во околината на Париз во текот на ова лето.
Последен филм на Џони Деп е „Minamata“ во кој ја толкува улогата на В. Јуџин Смит, американски фотограф кој помогнал во документирањето на разорниот ефект од труењето со жива во крајбрежните заедници во Јапонија во текот на 70-тите години на минатиот век.
