За состојбата на легендарниот Михаел Шумахер проговори и неговиот поранешен колега од Бенетон, Џони Херберт (58).
Поранешниот британски Формула 1 возач е одличен семеен пријател на семејството Шумахер и добро ја познава здравствената состојба на големиот Михаел, која и понатаму е тешка, но полека се подобрува.
„Мик одлично се снаоѓа во оваа ужасна ситуација. Тој минува низ пекол, а здравјето на неговиот татко во моментов исто така го растажува. Што се однесува до презимето, сигуно не му е лесно по сè што постигна татко му. Михаел беше со него кога освојуваше титули. Но, сега го нема кога Мик е во болидот“, објасни тој.
Помладиот Шумахер го напушти ХААС по две години, а серијата несреќи беше пресудна за Гинтер Штајнер да му се заблагодари за соработката.
„Многу луѓе му помагаа на Мик низ годините, но во оваа ситуација тој би сакал татко му да биде тука за него. Очекувањата беа големи, тој беше под голем притисок и дали тоа го извлече најдоброто од него? Дали направи доволно во споредба со Магнусен? Веројатно не. Тој не создаде можност да продолжи да биде во болидот“, објасни поранешниот колега на Михаел.
Џони Херберт делеше гаража со легендарниот Шуми под Бенетон во 1994 и 1995 година.
