Британскиот премиер Борис Џонсон денеска ненадејно го посети Киев, каде се сретна со украинскиот претседател Володимир Зеленски.
Ова е втора посета на Џонсон на Киев од почетокот на руската инвазија на Украина кон крајот на февруари.
„Обединетото Кралство понуди да започне голема операција за обука на украинските вооружени сили, со потенцијал за обука на илјадници војници“, соопшти кабинетот на Џонсон.
Џонсон денеска требаше да учествува на големиот самит во Донкастер, но во последен момент откажа и замина во Киев.
Тој попладнево требаше да одржи говор пред конзервативните пратеници, советниците и бизнис лидерите во Донкастер.
Според Sky News, Џонсон бил првиот лидер на членка на Г7 што го посетил Киев во април.
Украинското Министерство за одбрана тогаш објави: „Сакаме да му посакаме добредојде на Борис Џонсон во Киев. Бидете храбри, како Борис. Бидете храбри, како Украина“.