Британскиот премиер Борис Џонсон повтори дека бојкот на руската нафта и гас е опција што Западот сè уште ја разгледува.
„Треба да размислиме како да престанеме да бидеме зависни од руската нафта и гас. Сите го прават тоа, сите се на ист пат“, рече Џонсон.
Украинскиот претседател Володимир Зеленски денеска побара од меѓународната заедница да го бојкотира рускиот извоз и повика на бојкот на испораките во Русија.
„Ако не сакаат да се придржуваат до цивилизираните правила, не треба да добиваат ниту добра ниту услуги од цивилизацијата. Нека ги храни војната “, рече тој.
Бројни западни компании веќе воведоа санкции кон Русија.
Американскиот производител на авиони Boeing денеска соопшти дека го прекинува снабдувањето со титаниум од Русија, велејќи дека обезбедил снабдување со важните суровини за производство на авиони, но и бродови, автомобили и машини.
