Американскиот актер и поддржувач на Демократската партија, Џорџ Клуни, денеска го повика американскиот претседател Џозеф Бајден да се откаже од својата кандидатура за реизбор.
Клуни во написот на The New York Times изјави дека му се допаѓа Бајден, но оцени дека Демократската партија ќе ја загуби претседателската трка, како и секаква контрола во Конгресот со Бајден како кандидат.
„Ова не е само мое мислење. Ова е мислењето на секој сенатор и член на Конгресот и гувернер со кој сум разговарал приватно“, рече Клуни, пренесе AP.
