Џорџа Мелони укина социјална помош за милиони Италијанци: Нека бараат работа

Италијанската влада предводена од премиерката Џорџа Мелони, на седница што се одржа на Меѓународниот ден на трудот, го укина Граѓанскиот доход, социјална помош за милиони сиромашни, заменувајќи го со чек за инклузија што е уште поограничена мерка, потег кој опозицијата и синдикатите го сметаат за провокација.

Ултраконзервативната влада предводена од Мелони, исто така, гласаше за ублажување на прописите за привремени вработувања и ослободување на работодавачите од исплати за социјално осигурување на една година ако вработат корисници на чек за инклузија на неопределен период или како практиканти.

На овој начин, италијанската влада сака да го поттикне вработувањето и да ги привлече младите да бараат работа.

Стапката на невработеност кај младите на возраст од 15 до 24 години во Италија, третата по големина економија во еврозоната, во февруари изнесуваше 22,4 отсто, што е речиси трипати повисока од националниот просек од 8 отсто.

Поддржувачите на граѓанскиот доход го сметаат за социјален амортизер кој е докажан во регионите на југот на земјата, каде што има голема економска несигурност, но владата тврди дека е скап (8 милијарди евра во 2022 година) и дека не ги поттикнува корисниците да се вработат. Од 1 јануари 2024 година, ќе биде заменет со чек за инклузија, мерка што ќе чини 5,4 милијарди евра годишно.

Граѓанскиот доход беше воведен во 2019 година

Додека граѓанскиот доход беше наменет за граѓаните со многу скромни примања, вклучително и за младите, новата мерка ќе биде ограничена на семејства со инвалиди, малолетници или постари од 60 години.

Според италијанскиот институт за статистика (Istat), граѓанскиот доход, воведен во 2019 година од владата Пет ѕвезди, извлече еден милион луѓе од сиромаштија, иако приближно половина од сиромашните не го добиваат затоа што немаат право на тоа ( помалку од 10 години живот на италијанска територија ) или затоа што не поднеле барање.

Опозицијата и синдикатите жестоко ја критикуваа владата што свика седница за овие прашања токму на Меѓународниот ден на трудот, оценувајќи дека тоа е провокација, изјави поранешниот претседател на Претставничкиот дом Роберто Фицо.

„Сериозна влада не се состанува на 1 Мај за да ги осуди младите луѓе на животна несигурност, уништувајќи им го сонот да имаат стан и семејство. Се состанува за да  воведе законска минимална плата“, рече поранешниот премиер на владата Пет ѕвезди, Џузепе Конте.

Според La Repubblica, Мелони сакала со ова да го „демистифицира, десакрализира 1 Мај“ и „да ја предизвика социјалната хегемонија на синдикатите над светот на работата“. Илјадници луѓе протестираа ширум земјата во понеделникот, од Торино до Рим, при што демонстрантите фрлаа јајца врз зградата на владата, а главниот синдикален протест се одржа во Потенца, на југот на земјата.

реклама

Се појави нов сој на коронавирусот

Read more

Хороскопски знаци на кои ќе им се смени среќата со парите во јули

Read more

Вреди да вклучите рерна: Најдобриот рецепт за крцкави печени компири

Read more

Грција во сè поголеми проблеми поради масовниот туризам

Read more

Свет

Путин ѝ се закани на Јужна Кореја

Read more

Северна Кореја гради ѕид на границата со Јужна

Read more

Трамп предлага зелен картон за странците кои ќе завршат факултет во САД

Read more

Тинејџерка од БиХ киднапирана и силувана во Германија

Read more
 

Вести

Грција во сè поголеми проблеми поради масовниот туризам

Читај повеќе

Путин ѝ се закани на Јужна Кореја

Читај повеќе

Бесплатен паркинг денеска во Центар

Читај повеќе

Притвор за велешанец кој ја претепал мајка си и ѝ се заканувал со нож

Читај повеќе

Планинарска спасителна служба извлече повреден турист во Охридско

Читај повеќе

Посебен режим на сообраќај во Скопје денеска и утре

Читај повеќе

ЦУК: 15 пожари гореле на отворено низ Македонија

Читај повеќе

Северна Кореја гради ѕид на границата со Јужна

Читај повеќе

Трамп предлага зелен картон за странците кои ќе завршат факултет во САД

Читај повеќе