Холандскиот фудбал оваа недела го потресе скандал во кој судијата Јан Смит (61) направи невиден потег поради кој доби доживотна суспензија.
Смит го судеше натпреварот помеѓу Синт Хеорхе и Де Валкен кои се натпреваруваат во четвртата холандска лига. Домашните беа водечки и им требаше бод за освојување на титулата, а Смит додели 15 минути судиско време, откако претходно им покажа на гостите 3 црвени картони.
Конечно, длабоко во судиското надополнување во 104. минута и видно побројни, Синт Хеорхе успеа да израмни на 2:2 и да ја освои титулата.
Тоа не беше сѐ бидејќи по натпреварот беше објавено видео од Смит како ја прославува титулата со играчите на Синт Хеорхе, па дури и излезе на бината самиот да го подигне трофејот.
Scheidsrechter deelt 3 rode kaarten uit aan de tegenstander en schreeuwt daarna KAMPIOENEN en staat met de schaal te zwaaien op het kampioensfeest. Kan alleen in de klasse van @SV_Ilpendam @MikeVerweij 🤣 pic.twitter.com/tsWCamEHHG
— Danny Korporaal (@dannykorporaal) May 12, 2024
Очекувано, видеото ја обиколи целата земја, по што реагираше Кралската фудбалска федерација на Холандија и му изрече доживотна суспензија на овој судија.
Иако не може да има појасни докази дека Смит очигледно го фаворизирал победничкиот тим, сега веќе поранешниот судија продолжува да негира дека е корумпиран.
„Само еднаш ја отпеав песната и го кренав трофејот. Тоа е сѐ што направив. Ситуацијата е премногу тажна за да се каже нешто друго“, беше реакцијата на Смит по суспензијата.
