Австрискиот дефанзивец открива интересна досетка од времето кога играше заедно со Мохамед Салах во Базел.
Александар Драговиќ и Мохамед Салах една сезона делеа соблекувална и тоа во тимот на швајцарски Базел во сезоната 2012/13. Потоа Австриецот замина за киевски Динамо, а Египќанецот во Челси.
За таа една сезона Салах имал уплав од Драговиќ бидејќи на тренинзите Австриецот со српско потекло влегувал бескомпромисно во дуелите.
„Јас го подготвив за да стане голем играч. Често заедно вежбавме дуели. Хахахах“, вели Драговиќ во заедничко интервју за Goal и германски SPOX, сугерирајќи на тоа дека тој има удел тоа што Салах стана она што е денес.
Салах денес не е силен во дуелите, но уплавот од Драговиќ допринел да работи на неговата брзина, токму за да бега од такви опасни стартови.
„Секогаш се плашеше дека ќе му скршам нога со моите клизачи. На тој начин го подготвив за тешкиот англиски стил на игра. Лесно ќе приметите дека со неговата брзина секому може да му избега“, додава Австриецот.
Тој открива и дека Салах порано не бил голгетер каков што го знаеме денес. Многу работел за да го стигне денешното ниво.
„Но, во тоа време имаше проблем неговите шанси да ги претвори во голови. Благодарение на неговата напорна работа, се подобри многу во тој поглед. Мо е одлична личност која не лета во облаци“, заврши тој.
Салах денес е во Ливерпул, додека Драговиќ ги брани боите на Црвена звезда.