Само што започна натпреварот помеѓу Колумбија и Јапонија во рамките на групата Х од СП во Русија, Карлос Санчез доби црвен картон и ја остави неговата репрезентација со играч помалку.
Во третата минута од натпреварот по еден шут кон голот на Давид Оспина, Карлос Санчез играше со рака и заработи директен црвен картон од словенечкиот судија Дамир Скомина.
Големо разочарување можеше да се види на лицата на играчите и навивачите на Колумбија кога судијата му даде црвен картон на Санчез и досуди пенал за Јапонија, а агонијата се зголеми кога Шинџи Кагава го реализираше пеналот и донесе водство за неговата репрезентација.
Со Џејмс Родригез, Карлос Бака и Јери Мина на клупата, може само да се претпостави дека селекторот Хозе Пекерман ја потцени репрезентацијата на Јапонија и очекуваше сигурна победа. Но, Санчез ги помати сметките и сега Колумбија ќе мора да се бори уште посилно за да стигне до победа која ќе ги доближи до пласман во нокаут фазата.