Драстично расте бројот на заразени со сипаници: Каде е најлоша ситуацијата?

Бројот на заразени со морбили (мали сипаници) ширум светот порасна во првите три месеци од 2019 година за 300% во споредба со бројот на заболени лани во истиот период, соопшти вчера Светската здравствена организација.

Во првото тромесечје од оваа година, 170 земји пријавиле вкупно 122.000 заразени, во споредба со 28.000 колку што биле регистрирани во првите три месеци од 2018 година.

Во СЗО проценуваат дека реалниот број на заболени е десет пати поголел, со оглед на тоа дека само дел од заболените уредно се пријавуваат.

Заразата со сипаници е во пораст трета година по ред поради намалувањето на бројот на луѓе кои се вакцинирани против оваа болест.

Експертите нагласуваат дека болеста може успешно да се превенира ако се вакцинирани 95% од населението, но податоците покажуваат дека глобалното ниво на вакцинирани со првата доза од вакцината против сипаници е опаднато на 85%, а втората доза ја примиле само 67% од популацијата.

Каде е најлоша ситуацијата?

Речиси една третина од заболените од сипаници се хоспитализирани поради компликации што може да доведат до инвалидитет, оштетување на мозокот, слепило и губење на слухот.

Најмногу заразени има на Мадагаскар (70.000), во Украина (49.000), на Филипини (8.800) и во Венецуела (5.700).

Но, и некои земји од Југоисточна Европа – Албанија, Србија и Црна Гора – спаѓаат во земјите со најмногу заразени, со стапка од 300 до 470 заболени на 100.000 жители.

Бројот на нови заболени расте и во некои богати земји со висока стапка на вакцинирани, како САД и Израел.

СЗО нагласува дека од сипаници починале речиси 110.000 луѓе во 2017 година.

Каква е состојбата во Северна Македонија?

Од 6 до 12 април во државава се регистрирани 126 случаи на мали сипаници (лабораториски потврдени или поврзани со епидемиолошка врска), се наведува во извештајот на Институтот за јавно здравје.

Од вкупниот број новозаболени лица, 57 случаи се од Скопје, а 70 отсто од нив се непотполно вакцинирани, невакцинирани или со непознат вакцинален статус. Од останатите 69 заболени, 22 се од Куманово, 15 од Кичево, 12 од Струга, 10 од Тетово, по три од Велес и Прилеп, а по еден има од Гостивар, Крива Паланка, Струмица и Охрид.

Од почетокот на епидемијата во Скопје во декември 2018 година заклучно со 12 април се регистрирани 961 случаи на мали сипаници, од нив 682 се епидемиолошки поврзани и пријавени во епидемијата во Скопје.

Активни епидемии на мали сипаници во моментот има во шест здравствени региони и тоа во Скопје, Тетово, Куманово, Гевгелија, Кичево и во Струга.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Свет

Fox News открива: САД потрошиле најмалку 113 милијарди долари за војната во Украина

Read more

Во Таџикистан уапсени 9 лица поврзани со масакрот во Москва

Read more

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more
 

Вести

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе