Дрес на Леброн се продаде за 1.300.000 долари: Во него постигна 32 поена како средношколец

Дресот на американскиот кошаркар Леброн Џејмс, кој го носеше како член на средното училиште Сент Винсент-Сент Мери во 2002 година, е продаден на аукција во Хонгконг за 1,3 милиони долари, соопшти аукциската куќа Julien's Auctions од Беверли Хилс.

Американските медиуми наведуваат дека тоа е дресот во кој Леброн Џејмс позирал за насловната страница на магазинот Sports Illustrated во 2002 година, а потоа постигнал 32 поена во овој дрес за својата средношколска екипа.

Јавноста во САД се потсетува дека овој дрес на Леброн Џејмс е продаден на аукција по трет пат во последните пет години.

Леброн Џејмс (39) моментално е член на Лос Анџелес Лејкерс, пред тоа играше за Кливленд Кавалирс и Мајами Хит, а деновиве е во јавноста за уште едно неверојатно достигнување.

Имено, еден од најдобрите кошаркари во историјата оваа сезона ќе настапи во дресот на Лос Анџелес Лејкерс заедно со неговиот син Борни, што ќе биде прв пат во историјата на НБА лигата татко и син да настапат заедно во еден тим.