Филм & ТВ

Дрога и цигари: Што навистина шмркаат и дуваат актерите во филмовите?

11. јануари 2018 - 14:11 | К.З.

Додека пушењето цигари е забрането кај повеќето телевизиски серии, режисерите на филмови не сакаат да се откажат од кинематографската убавина на прикажување луѓе како пушат цигари. Но, што навистина користат актерите додека глумат дека пушат или се дрогираат?

Сцените со чад од цигари, прикажувањето на опојното дејство на марихуаната или пак хардкор дрогирањето со хероин или кокаин од многу одамна им претставуваат задоволство на режисерите, кои како да чекаат нова шанса да ги снимат ваквите сцени на што е можно покреативен начин.

Но, поради правилата кои се поставени во филмскиот свет, актерите мораат да користат замени за цигарите и разните опојни супстанци.

Цигари

До средината на 90-те, сите користеле вистински цигари. Единствено што требало да направи филмската компанија е да се јави на некој производител на цигари и да побара од него неколку кутии цигари, и производителот му ги давал бесплатно.

Но, сега работите се сменети, па во повеќето филмови се користат цигари направени од растенија и тревки, кои се многу поздрава алтернатива. На пример, Лиам Нисон на снимањето на филмот „Non Stop“ пушел цигари од сушена камилица, кои рачно ги виткала екипата која го снимала филмот.

 

Марихуана

Скоро сите филмови користат лажна марихуана, која (барем на камера) изгледа исто како вистинската. Во Холивуд се користи лажна марихуана направена од компанијата International Oddities, од каде тврдат дека нивната марихуана може да предизвика природен „high“, но не доволно голем за да го наруши снимањето.

 

Кокаин

Порано најпопуларниот избор за замена на кокаин беа млекото во прав и прашок за пециво, но сега наместо нив се користи иноситол, прашок богат со витамин Б кој се користи и за „сечење“ на вистински кокаин.

За време на снимањето на филмот „The Wrestler“, Мики Рурк добил напад на анксиозност кога шмркнал од прашокот. Агентот не знаел дека тој има проблеми со анксиозност, па дури подоцна му кажал дека тоа било предизвикано од прашокот.

Хероин

Скоро никаде не се користат прашоци и течности кои актерите ги вбризгуваат во вена, туку се користат само шприцови со лажна игла за да се долови моментот во кој ликот користи шприц. Потоа, течноста во шприцот компјутерски се генерира и се додава во пост-продукција.

Коментирај