Компанијата Flash Forest од Торонто има голем и значаен план за посадување дрвја.
Flash Forest користи дронови за пошумување, а процесот се одвива десет пати побрзо отколку кога копате со помош на лопата. Целта на компанијата е да засадат милијарда стебла до крајот на 2028 година.
Дроновите кои ги садат дрвјата во исто време ја комбинираат технологијата, софтверот и еколошката наука за да помогнат во пошумувањето во моменти кога е исклучително потребно.
Освен тоа, дроновите се поевтини за 80% во однос на традиционалните методи за садење дрвја.
Дроновите имаат пристап до тешките терени каде што човекот нема пристап.
Пред процесот на садење, на терен се испраќаат дронови кои ја мапираат земјата за да направат проценка. Откако ќе ги установат идеалните локации за садење, се испраќаат дроновите кои вршат прецизно садење. Потоа доаѓа дронот кој ги испушта хранливите состојки, додека друг дрон го следи процесот на растење на билките.
Откако ги тестираа прототипите, компанијата во Онтарио во Канада засади илјадници стебла. Целта е да се намалат трошоците и да се засадат дури 100.000 дрвја дневно.