Овие дронови направија нешто за прв пат во историјата. Имаме можност да го видиме едно од највпечатливите инженерски достигнувања, кои сѐ почесто нѐ изненадуваат во модерното време.
Со исклучок на круговите во воената индустрија (којзнае што се случува таму), принудувањето на група беспилотни летала да се координираат совршено, да избегнуваат препреки, да откриваат цели без да се судираат меѓу себе, не е навидум лесна задача.
Експериментите од овој тип најчесто се изведуваат во строго контролирани средини и со јасно дефинирана патека креирана од алгоритми и под надзор на експерти за овој тип на роботика.
Студентите од Универзитетот во провинцијата Жеџијан во Кина отидоа чекор подалеку, штом сме тука и после ваков вовед, нели?!
Тие развија алгоритам кој овозможува рој од 10 беспилотни летала со големина на дланка целосно независно да лета брзо низ бамбусова шума, корегирајќи го своето движење пред препреките за само неколку милисекунди. Навигацијата не се потпира на GPS системот, така што тие се погодни за употреба во области каде што сигналот е слаб. Покрај навигацијата во природа, кодот беше тестиран и за следење на едно лице.
Четири дрона, од четири различни агли успеале да ја задржат целта на радар дури и кога накратко таа излегувала од видното поле.
Ваквиот систем во иднина би можел да помогне при природни катастрофи, кога е неопходно од безбедно растојание да се набљудува потенцијално опасен терени за да се лоцира загрозена личност. Повеќе дронови сигурно ќе го направат тоа побрзо од еден. Нема да зборуваме за можни злоупотреби, на кои предупредија некои експерти откако го погледнаа ова видео, бидејќи сѐ што е добро секогаш може на некој начин да се злоупотреби, но се надеваме дека нема да биде така...