Огромна штета направија пожарите што беснеат во западниот дел на Бразил чии последици се поразителни за целата планета.
Бразилските прашуми важат за бели дробови на Земјата и секое нивно уништување е и напад по целиот жив свет на планетава, вклучувајќи го и здравјето на човекот.
Западната сојузна држава Мату Гросу во понеделникот означи кризна состојба откако огромните пожари уништија вкупно 1,4 милиони хектари шума од почетокот на годинава.
Пожарите не само што ја уништија вегетацијата, туку и влијаат на животот на животните кои или изгореа во пожарите или бегајќи умираа на патиштата од дехидратација, а некои беа и удрени од коли.
Мату Гросу е трета по големина сојузна држава во Бразил со територија од 903,357 км² во која живеат 3.484.466. Главен град е Кујаба. Во неа се наоѓаат три од бразилските екосистеми и тоа Сераду, Пантанал и Амазонската прашума.
