Иако 49-годишната Дру Баримор во текот на нејзината актерска кариера бакнувала различни актери на снимањата, само една личност е на врвот на незјината листа.
За време на гостувањето во „Watch What Happens Live with Andy Cohen“, актерката рече дека тоа е Адам Сендлер.
„Никогаш не сме се забавувале, неговата сопруга Џеки е моја драга пријателка, но сакам да сум во филмови со него, затоа што мислам дека претставуваме нешто поголемо од жешката, сексуална хемија. Претставуваме искрена восхит еден кон друг“, рече Баримор.
Покрај тоа што беа долгогодишни пријатели, Сендлер и Баримор глумеа заедно во филмовите „The Wedding Singer“ (1998), „50 First Dates“ (2004) и „Blended“ (2014).
Баримор еднаш откри дека Сендлер ѝ е „филмска сродна душа и најдобар партнер на снимањата“.
Баримор зборуваше и дека сака да сними уште еден филм со него, бидејќи поминаа повеќе од 10 години од снимањето на последниот филм и тврди дека тоа ќе ја израдува.
