Голден Стејт Вориорси во големото финале од НБА лигата ја совладаа екипата на Кливленд Кавалирс (4:0) и ја одбранија титулата за најдобар тим во НБА лигата, а Кевин Дурент, кој е прогласен за MVP во финалната серија, по финалето го „боцна“ најдобриот поединец на Кливленд, Леброн Џејмс.
Дурент после доделувањето на ова престижно признание беше запрашан дали смета дека го заслужил или тоа сепак требало да му припадне на неговиот соиграч Стеф Кари.
Исто така, постоеја новинари кои сметаа дека оваа награда требаше да ја добие таканаречениот крал на кошарката, Леброн Џејмс.
Сепак, Дурент имаше прилично поинакво размислување.
„Би рекол дека е лесно да се биде најдобар играч во лош тим, каде немаш добри соиграчи околу себе. Потешко е да се истакнеш кога со тебе во тим се наоѓаат одлични играчи. Горд сум на начинот на кој се одделив од групата и горд сум на тоа што напорно работам каде и да одам. Моите соиграчи ме поттикнуваат да бидат подобар и чувствувам дека сум вистински работник“, порача искусниот кошаркар.
Дурент во просек бележеше 28,8 поени, 10,9 скокови и 7,5 асистенции.
