Новата сезона во бразилскиот шампионат Бразилејрау започна минатиот викенд, иако во таа земја сè уште има огромен број луѓе заразени со коронавирусот.
По натпреварите во недела и понеделник, сите фудбалери беа тестирани и резултатите покажаа дури 151 позитивни случаи, поради што првенството веројатно ќе биде прекинато.
Најтешка е ситуацијата во Коринчјанс, каде се заразени 23 играчи, односно практично целиот прв тим. Гојас има еден заразен помалку, а најмалку позитивни се во Браганчину и Атлечику Минејру кои имаат по еден заразен фудбалер. Атлечику Минејру го одигра својот натпревар викендов.
Гојас, Коринчјанс и неколку други клубови со многу заразени дури и не играа овој викенд и скоро е сигурно дека следното коло, закажано за четврток, нема да се одигра. Засега нема вести за посериозни случаи и повеќето играчи не покажуваат никакви симптоми, односно се асимптоматски. Вкупно 4 натпревари од 1. коло не се одиграа и тоа Палмејрас - Васку да Гама, Коринчјанс - Атлечику Гојаненси, Ботафогу - Баија и Сантус - Браганчину.
Бразил стана втора земја во светот по бројот на случаи на инфекција со коронавирус по САД. Бројот на заразени во таа земја надмина 3 милиони, а повеќе од 100 илајди луѓе досега починаа.
Сезоната во Бразилејрау требаше на почне на 3 мај, но поради пандемијата почна дури сега. Наместо да заврши на 6 декември планирано е да заврши на 24 февруари наредната година.