Еден од организаторите на протестите „За Македонија заедно“, директорот на Македонска опера и балет, оперскиот пејач Игор Дурловски вчера се огласи на својот Facebook профил околу последните случувања во Парламентот.
Тој напиша: „Јас бев за Македонија, но без насилство! Јас бев за Македонија без албанска химна во собрание! Јас бев…“
Неговиот пост наиде на жестоки критики и осуди, но и поддршка од еден дел од неговите следбеници и поддржувачи. Најчестите коментари се дека е „срам за професијата“.
Синдикатот на МОБ го призна и инцидентот за нападот на Дурловски врз балетанот Виктор Карев, кој му рекол „Ти ли ќе ни правиш војна!“.
Синоќа МВР испрати писмо до Основното јавно обвинителство со кое го повика што побрзо да ги повика на сослушување и да им одредат мерки за обезбедување на организаторите на протестите.
Неофицијално станува збор за четири лица, со иницијали Б.Д, Б.И, И. Д. и В.Ј.
Извори од полицијата тврдат дека лицата се фото-документирани од службите на МВР.
Од материјалите со кои располага полицијата се потврдува дека тие лица диригираат со протестите за време на насилството во Собранието.
Овие материјали се испратени со ургентно писмо во Основното јавно обвинителство.
