Во пресрет на завршниот турнир во ракометната Лигата на шампиони, Европската ракометна федерација (ЕХФ) го објави „Ол Стар“ тимот на сезоната, кој во недела ќе заврши во Келн.
На завршниот турнир во Келн, прв пат во историјата ќе настапи и македонска екипа, шампионот Вардар, чии успеси, ЕХФ ги вреднува и на поединечен план.
Алекс Душебаев е избран за најдобар десен бек во Лигата на шампионите, а Раул Гонзалес за најдобар тренер во сезоната 2016/2017.
Инаку во тимот на сезоната доминираат ракометарите на ПСЖ, тројца се наоѓаат меѓу најдобрите седум, а францускиот шампион ги има уште и најдобриот дефанзивец и најдобриот млад играч, награда која во сезоната 2014/2015 ја освои Душебаев.
ЛШ, тим на сезоната:
Голман: Гонзало Перез де Варгас (Барселона)
Лево крило: Уве Генсхајмер (ПСЖ)
ЛЕВ БЕК Микел Хансен (ПСЖ)
Централен бек: Никола Карабатиќ (ПСЖ)
Пивот: Лудовиг Фабрегас (Монпелје)
Десен бек: Алекс Душебаев (Вардар)
Десно крило: Виктор Томас (Барселона)
Тренер: Раул Гонзалез (Вардар)
Најдобар одбранбен играч: Лука Карабатиќ (ПСЖ)
Најдобар млад играч: Надеим Ремили (ПСЖ).
