Пазарот на труд целосно се смени со интернетот, а потоа социјалните мрежи создадоа цело едно ново поле за водење бизнис.
Повеќе од 50 милиони креативци работат на YouTube, Instagram, Twitch, TikTok и други платформи. Два милиони од нив работат со полно работно време и заработуваат шестцифрени плати со создавање содржина на дневна или неделна основа. Ова значи дека 90 проценти од видео, аудио, фото и текстуална содржина што ја голта генерацијата Z на дневна основа е создадена од поединци, а не од корпорации.
Според магазинот Forbes, тоа е огромна културна промена. Ова се само некои од поентите спомнати во извештајот за „економијата на креаторите на содржини“ од Ѓијанглинг Јуан, соработник на инвестициската компанија SignalFire.
„Бројот на овие инлуенсери/аматерски творци ќе експлодира. Нашите податоци покажуваат дека оваа бројка ќе скокне од 50 на 100 милиони, а можеби и повеќе. И најголемиот дел од тој раст ќе биде воден од генерацијата Z“, вели Јуан.
Благодарение на генерацијата Z (родени од средината на 90-тите до 2010 година), која е исклучително индивидуалистичка и се грижи повеќе за себе отколку за вклопување во општеството, целиот екосистем рапидно расте, вели Јуан.
„Во последните 10 години, со отворање на платформи како YouTube, Snapchat, Instagram бевме сведоци на раѓање на нов став ‘Јас ја контролирам сопствената судбина и работам за себе. И не сакам да седам во канцеларија’“, вели Јуан.
Со таков став, аматерите со неколку илјади следбеници стануваат професионалци, а резултатот е милионски суми за правење видеа, игри, песни, стримови во живо...
Со оглед на брзината со која се развиваат социјалните платформи, ова може да се случи многу брзо. Добар пример е TikTok ѕвездата Чарли, 16-годишник кој има 90 милиони следбеници кои ги забавува со смешно танцување.
Социјалните платформи прераснаа во толку голем пазар, што лансираа нов бран софтвер и алатки, така што има осум милијарди долари промет.
Јуан објаснува дека овој вид економија се појавил во три фази.
Почетокот на социјалните мрежи и платформите започна на почетокот на 2000-тите со Facebook, Instagram, YouTube, но и со TikTok и Twitch. Другото е заработка, вмрежување стотици компании, агенции, спонзори и извидници за таленти кои го грабнуваат својот дел од колачот од 15 милијарди долари.
Третиот дел е најинтересен - тој е оној каде креативците и инфлуенсерите стануваат еден вид „основач“ и каде им се дава можност не само да создаваат содржина, туку и да градат сопствен бизнис.
И што е следно?
Персонализирана е-трговија, вели Јуан. За пет до 10 години, ќе се појават платформи кои ќе им помогнат на креативните луѓе да ги искористат своите идеи и да продаваат услуги и содржини.
