Грчкиот остров Кос синоќа во рок од неколку минути беше погоден од два умерени земјотреси откако во петокот беше потресен од силен земјотрес при што загинаа две лица.
„Првиот земјотрес беше со интензитет од 4,4 степени според Рихтеровата скала во 20 часот и девет минути по локално време, а 16 минути подоцна уследи земјотрес од 4,6 степени“соопшти Атинскиот геодинамички институт.
Епицентарот на првиот земјотрес бил на околу 20 километри североисточно од островот, на длабочина од 10 километри. Стотици жители и туристи ноќта ја поминале во парковите или во своите автомобили.
