При судир на два воза на смртта кај Леголанд во Германија повредени се 34 лица, од кои двајца со тешки телесни повреди.
Несреќата се случила кога воз на смртта кај Леголанд во Гинзбург ненадејно закочил и друг удрил во него. Посетителите кои биле во возовите се здобиле со модринки и расекотини, а две лица се тешко повредени, пишува Daily Mail.
Во областа пристигнаа три спасувачки хеликоптери и противпожарна и спасувачка служба. Сè уште не е познато како дошло до судирот.
Портпаролката на Леголaнд изјави дека сите луѓе од едниот воз се извлечени, додека од другиот сè уште се евакуираат. Таа додаде дека паркот засега ќе остане отворен.
„Им се извинуваме на гостите за непријатностите и би сакале да им се заблагодариме за трпението“, рекоа од Леголанд.
