Повреден 17-годишен малолетник од Ново Село, Општина-Боговиње, на 18-ти месецов бил донесен во Клиничкиот центар во Тетово со расекотина на главата.
По негово кажување, тој бил нападнат од страна на В.И.(20) и Х.И.(21) од село Ларце, тетовско. В.И. со рачка од нож го удрил во пределот на главата. Причина била расправија околу девојка.
Истовремено и двајцата напаѓачи сами се пријавиле во полициското одделение во Групчин, во разговорот негирале дека употребиле нож, односно кажале дека физички го нападнале малолетникот, но дека истиот паднал на глава на асфалтна површина и се повредил и дека истиот во повеќе наврати ја вознемирувал нивната сестра.
По наредба на Јавен обвинител од Основното јавно обвинителство во Тетово двајцата биле задржани во полициска станица заради целосно расчистување и документирање на случајот.
