Две лица се здобиле со исеченици и убоди по вратот, грбот и рацете, откако биле нападнати од едно лице во Тетово, кое полицијата подоцна го уапсила.
Ноќеска половина час по полноќ, во Тетово, по претходно известување за потреба од екипа на Итна медицинска помош за укажување на медицинска помош на лица кои крварат, од ул. „Благој Тоска“ во Клиничка болница Тетово пренесени се И.К. со повреди нанесени од остар предмет во пределот на вратот и грбот, кој по лекарската интервенција е препратен во Клинички центар Скопје и И.К. со исеченица во пределот на раката.
Во извршените разговори истите навеле дека повредите им ги нанел М.М. од Тетово, кој заедно со неговиот брат Р.М. биле приведени во полицијата Тетово.
Се преземаат мерки и активности за целосно расчистување и документирање на настанот, по што против учесниците ќе бидат поднесени соодветни пријави.
