Две лица се убиени во пукање во ноќен клуб во Осло, соопшти полицијата.
Полицијата на Twitter објави дека уште неколку лица се повредени, а еден осомничен е приведен набргу по пукањето во близина на местото на настанот.
-Сите индиции укажуваат дека сторителот дејствувал сам, изјави полицискиот портпарол Торе Барстад. Три лица се тешко повредени, а на 19 им била укажана лекарска помош.
Локалните медиуми јавија за најмалку три места на злосторство. Нема информации за потенцијалниот мотив. Полицијата не даде информации за возраста или идентитетот на уапсениот.
Нападот се случил во ноќниот клуб Лондон паб, популарен геј клуб во Осло, објави весникот Афтенпостен.
Цивили помогнале полицијата да го уапси осомничениот, пишува весникот.
