Русија издаде налог за апсење на две лица поради нивната можна врска со експлозијата во метрото во Санкт Петербург.
„Две лица се бараaт поради можната врска со експлозијата. Едниот од нив ја поставил експлозивната направа во вагонот, а друг поради поставување на друга бомба во метро станицата”, изјави извор за новинската агенција Интерфакс.
Руската портпаролката на истражниот комитет Светлана Петренко изјави дека членовите на Комитетот ги испитале сите околности на експлозијата, а специјален тим на искусни истражувачи и експерти по судска медицина ги собрале сите парчиња материјали пронајдени на местото на експлозијата и ги испитуваат сите сведоци, пренесува ТАСС.
Како што наведува Петренко, според прелиминарните резултати возачот исправно постапил што не го запрел возот, туку продолжил да вози до следната станица. На тој начин овозможил соодветна евакуација и помош на повредените.
Според истражните органи загинале десет лица, а околу 50 се повредени во експлозијата во метрото во Санкт Петербург. Настанот се третира како тероризам.
Истражните органи дури објавија фотографија на човек за кој се верува дека има врска со поставувањето на експлозивната направа во вагонот од возот.