Непознат сторител ограбил аптека во Скопје, заканувајќи ѝ се на вработената со нож.
Рабојникот одзел од касата 8.400 денари и потоа побегнал.
Според информациите на МВР, вчера околу 19 часот и 50 минути во полиција било пријавено дека во аптека на ул. „Кочо Рацин“ непознат сторител извршил разбојништво. Полицијата презема мерки за пронаоѓање на сторителот и за целосно расчистување на случајот.
МВР исто така информира дека вчера во 15 часот и 30 минути имало неуспешен обид за разбојништво во билетарница на ЈСП во Скопје.
Диспечер од Јавното сообраќајно претпријатие (ЈСП), во полиција пријавил дека во билетарница на ЈСП на ул. „Љубљанска“ во Скопје непознат сторител извршил разбојништво во обид.
„Сторителот со закана со пиштол побарал пари од вработениот. Вработениот одбил да му даде пари и по радиоврска побарал помош. Во тој момент сторителот избегал“, соопшти МВР.
Полцијата трага по разбојникот.