Славниот актер Двејн Џонсон на Instagram сподели како му изгледаат нозете по напорен тренинг, а откри и што појадува пред вежбање.
Тој објасни дека неговата рутина се состои од загревање кое трае 25 до 30 минути, потоа истегнување и вежбање на нозете – истегнување, виткање и движења на мускулите.
Двејн остави и инспиративна порака:
„Вистина е дека во текот на годината научив да тренирам посилно, но за да тренирам така морав да научам како да тренирам попаметно. Тоа е клучот за успех во фитнесот“, вели тој.
Исто така, откри и што појадува пред ваков напорен тренинг.
„Утринава ги вежбам нозете така што ми е потребна енергија, протеини, масти, јаглехидрати како и повеќе шеќер за тренингот, за да ги зачувам мускулите полни и спремни, појасни тој.
Неговиот појадок вклучува месен нарезок, белки, овесна каша, папаја, англиски мафин со путер од кикирики и желе, како и тропски спортски пијалак.
Претходно изјави дека обично јаде околу 6.000 калории дневно за да ги поттикне интензивните тренинзи и за да ја одржи мускулната градба.
