Британската соул дива Адел ја објави нејзината најнова песна наречена „Easy On Me“ во која со светот ги сподели деталите за нејзините животни тешкотии во последните шест години.
Станува збор за период во кој 33-годишната пејачка се разведе од сопругот. Иако нејзиниот глас ја нема изгубено силата, текстот на новата песна открива длабока ранливост покрај силниот рефрен „биди нежен со мене“, испеана покрај едноставна клавирска фраза.
Пејачката со години беше надвор од сцената, а по 14 часа од објавувањето на песната на YouTube, истата веќе има над 23 милиони прегледи.
Нејзиниот долгоочекуван албум ќе биде објавен на 19 ноември. Снимањето почна пред 3 години, во време кога „нејзиниот живот беше лавиринт на апсолутен неред и внатрешни превирања“, напиша пејачката на Twitter.
Со оглед на тоа дека Адел има продадено милиони албуми и има освоено низа награди, меѓу кои и Оскар и 15 Греми, ова музичко издание веројатно ќе биде најочекуваното во 2021 година.