Едно лото ливче ги има погодено сите шест бројки за премијата од 1 милијарда долари на играта на среќа Mega Millions во САД, а продадено е во државата Мичиген.
Добитните броеви се 4-26-42-50-60 плус Mega Ball бројот 24, соопштија од Лотаријата. Идентитетот на единствениот добитник на премијата не беше соопштен.
Шансите да се добие џекпот премијата се 1 на 302.575.350.
Вчерашното извлекување резултираше со втората најголема добивка во историјата на Mega Millions и трета најголема во историјата на американската лотарија.
Ако среќниот добитник сака да ја подигне премијата во кеш, ќе му бидат исплатени околу 739,6 милиони долари.
Џекпотот сега се ресетира на 20 милиони долари за следното извлекување во вторник.