Прилеп, 6 јуни 2020 (МИА) – Во Прилеп денеска е регистриран еден новозаболен од коронавирусот, а еден пациент на 73-годишна возраст почина.
Двајца пациенти со COVID-19 се регистрирани за оздравени.
Бројот на активни случаи со COVID-19 во Прилеп изнесува 29.
Од нив, 21 лице се наоѓа на домашно лекување, тројца се хоспитализирани во инфективното одделение во градската болница „Борка Талески“, а петмина се на лекување во Клиниката за инфективни болести и во Градската општа болница „8-ми Септември“ во Скопје.
Во самоизолација се наоѓаат 42 лица. Поради неносење заштитни маски, на 18 граѓани им се изречени прекршочни пријави.