Експерт ги предупреди сопствениците на автомобили на бензин и дизел за една едноставна грешка што може да ја зголеми потрошувачката на гориво за 20 проценти.
Отворањето на прозорците при добро време е нешто што многумина го прават, но над одредена брзина може да му наштети на вашиот паричник. Крис Еванс предупреди дека отпорот на ветрот од отворените прозорци може побрзо да го исцеди резервоарот за гориво при возење со големи брзини.
Меѓутоа, ако возите побавно, избегнувањето на клима-уредот и отворањето на прозорците всушност може да биде поекономично за возачите. Еванс вели дека најдобро е да ги спуштите прозорците ако возите под 45 км/час пишува Mirror.
„Користењето на клима-уредот може да ја зголеми потрошувачката на гориво за дури 10 проценти, но отворањето на прозорците со поголема брзина може да ја зголеми потрошувачката на гориво за дури 20 проценти“, објаснува тој.
Тимот за производство на адитиви за гориво Redex советуваше да не се отвораат прозорците за време на долги патувања.
„Колку и да е примамливо да ве фати ветре додека возите, отворените прозорци предизвикуваат катастрофа за аеродинамиката на вашиот автомобил, што резултира со непотребна потрошувачка на гориво. На побрзите патишта држете се до клима-уредот“, советуваат тие.
