Еден збор, односно фраза, може да ги прекине повеќето љубовни расправии во една врска. Не е некоја голема филозофија, само треба да бидете „поголемиот човек“ и да си признаете кога не сте во право и да спречите поголема, непотребна расправија.
Хал Ранкел, психотерапевт за парови и брачни другари, тврди дека најдобриот совет е да спречите ескалација на спорот:
„Никој не може да ве сака, но и да ве повреди како личноста на која ѝ се отворате и ѝ се покажувате без ниту една маска, најискрено што можете. Затоа, некои зборови што им ги кажуваме на партнерите може да ги повредат многу длабоко. Еден збор може да ве спаси. Поточно една фраза. Доволно е да кажете „Упс“ или нешто во стилот „грешки се случуваат“, за да одбегнете понатамошна расправија во моментот кога е кажан „тешкиот збор“ и гледате дека ситуацијата ќе ескалира и веќе нема да биде за тоа што сте почнале да се расправате.
Ранкел вели дека партнерите многу ретко имаат ваков однос, базиран на признавање на грешките и дека треба почесто да бидат зрели и да признаваат кога згрешиле.
„Со едно ‘упс’ ќе му ставите до знаење на партнерот дека сте свесни што сте кажале и ќе спречите поголема расправија. Обидете се, тргнете по овој нов пат, пребродете ја тешката ситуација, покажете ранливост, дека сте свесни за грешката и дека сакате да ја поправите“, советува Ранкел.