Дури и Пеп Гуардиола се согласува дека бразилскиот голман е одличен од белата точка, но нема намера да му дозволи да ги изведува пеналите.
Самиот Пеп лани изјави дека голманот е најдобриот пеналџија во составот. Тогаш Манчестер Сити имаше лоша сезона кога станува збор за пеналите бидејќи се редеа промашувања на Рахим Стерлинг, Габриел Жезус, Илкај Ѓундоан и Серхио Агуеро.
Потоа се чинеше дека се најде решение кога Кевин Де Брујне ја доби одговорноста погодувајќи петпати едно по друго, сѐ додека не промаши во оние 1:1 со Ливерпул минатиот месец.
„Не тренирам многу слободни удари. Но, затоа тренирам пенали уште откога играв за Риберау. Јас сум најдобриот пеналџија во тимот, но не ме бираат да ги изведувам“, се жали Едерсон.
„Најважното е што постигнуваме голови и победуваме“, се теши тој.
Едерсон досега нема постигнато гол откако е дојден во Европа, а пред да дојде на Островот играше во Португалија.
Сепак, кај и да е чекаме Пеп некогаш да му дозволи да се покаже на дело.