Ноива ду Кордејру е рурално гратче во кое живеат жени. Основано е во 1891 година од страна на Мариа Сењорина џи Лима, која била протерана од своето село поради прељуба.
Се наоѓа во општината Белу Вале, 100 километри оддалечено од Бело Хоризонте, во централниот дел на сојузната држава Минас Жерајс. Неговото име Ноива ду Кордејру (Noiva do Cordeiro) во превод значи Невестата на јагнето.
Овој мало бразилско гратче е создадено од жена за жени, има свои правила и свој систем на уредување на работата и животот. Денес во него живеат само 600 луѓе, главно жени и едвај по некој припадник на посилниот пол.
Жените го уредуваат животот онака како што сакаат и се чувствуваат удобно во нивното женско царство. Веруваат дека успеале да организираат многу подобар живот од мажите.
Некои од жителките имаат сопрузи и деца, меѓутоа, мажите можат да ги посетат своите жени во Ноива ду Кордејру само за време на викендите, исто како и синовите кои наполниле 18 години.
Ова необично место има свои страници на социјалните мрежи (пр. Facebook, YouTube) каде од време на време се појавуваат реклами за мажи. Инаку, девојките едноставно не можат да создадат нормално семејство. Сите припадници на посилниот пол со кои комуницираат се нивни роднини.
Очекувано, ги интересираат само ергени кои се подготвени да ги прифатат нивните женски правила и да се прилагодат на новиот начин на живот.
Изненадувачки, многу мажи се одзиваат на поканата да го посетат единствениот град во светот каде што има место само за жени.
