Доколку доцна ја миете косата и мислите дека не е потребно да ја сушите пред спиење и дека е одличен начин да се разладите за време на летните горештини, всушност тоа не е најдобрата идеја.
Имено, експертите за коса од Faith In Future тврдат дека нема да настинете и покрај некои верувања, но дека спиењето со мокра коса може да биде штетно.
„Нашата коса е многу послаба кога е влажна отколку кога е сува, што може да предизвика цела низа различни проблеми. Влажната или мокра коса е совршено место за размножување на бактерии и габи“, велат тие.
Иако можеби нема да ги видите резултатите веднаш, може да стане проблем ако одново и одново одите в кревет со влажна коса. Дерматитис или првут предизвикан од таканаречената маласезија габа - се две состојби кои можат да се појават ако спиете со влажна или мокра коса.
Во најлош случај, може да предизвика прекумерно опаѓање на косата, црвени чешачки точки на скалпот, па дури и губење на косата. Експертите го свртеа вниманието и на лишајот на скалпот предизвикан од габи и фоликулитис, бактериска инфекција која може да предизвика појава на акни полни со гној околу фоликулите на косата.
„Спиењето со влажна коса, исто така, може да предизвика проблеми со кожата, како што се акни, на лицето и грбот. Кога спиете со влажна коса, вашата перница исто така може да апсорбира многу природни масла од вашата коса додека се суши. Како резултат на тоа, вашата коса може да изгледа без сјај и да се чувствуваме дехидрирано. Кога нашата коса е дехидрирана, таа е изложена на уште поголем ризик од кршење“, објаснуваат тие.
Ако сè уште сакате да спиете со мокра коса и покрај овие ризици, постојат неколку трикови со кои можете да се обидете да ја ограничите штетата.
Ова вклучува оставање на регенератор во косата преку ноќ за да ја одржува влажна, притоа спречувајќи каква било штета предизвикана од сушење или губење на природното масло. Експертите исто така предлагаат да користите свилена навлака за перница, која може да помогне да се намали триењето што го поттикнува кршењето на косата.
„Како општо правило, дерматолозите советуваат да ја менувате навлаката за перница барем еднаш неделно, но ако одите в кревет со мокра коса, размислете за тоа доколку го правите секоја вечер“, велат тие.
Кога перниците ќе станат влажни од влажна коса, тие можат да станат идеална почва за бактерии, кои можат да имаат негативни ефекти врз кожата и да предизвикаат акни. За оние со подолга коса, најдобро е пред спиење целосно да ја исушат.
