Пред точно една година, на 25 ноември 2016 година, на 90-годишна возраст почина претседателот на Кубанската револуција Фидел Кастро.
„Во изминатите 365 дена Кастро не беше физички со нас, но ние го чувствуваме неговото присуство секоја секунда. Ги читаме и препрочитуваме неговите говори и размислувања“, пишува главниот весник на островот Гранма.
„До 1959 година Куба практично не постоеше на мапата на светот. Фидел Кастро направи нашата земја да биде почитувана на меѓународната сцена“, изјави кубанскиот историчар Еберто Норман Акоста.
Откако се разболе во 2006. година, Кастро му го предаде управувањето на својот помал брат Раул.
„Ако не беше Кастро, немаше да постои социјализмот во Куба”, сметаат неговите непријатели.
Кубанскиот лидер самиот во неколку наврати изјави дека социјалистичкиот модел ќе го надживее.
