Популарниот серијал на видео игри околу платениот убиец, Hitman, кој постои од 2000 година веќе два пати беше претставен во облик на игран филм, а сега Fox 21 ги здружи силите со популарниот стриминг сервис Hulu во изработка на телевизиска серија.
Како што пренесува Deadline, на пишувањето на сценариото работи Дерек Колстад. Исто така Hulu сервисот планира телевизиската серија Hitman да биде главен адут, па така се очекува големи вложувања во нејзина изградба и квалитет.
Fox ги има правата на изработка на филмови околу ќелавиот убиец и првиот филм излезе во 2007 година, а вториот во 2015 година.
И како што тоа е случај и со другите адапции на видео игри и Hitman помина со лоши оценки и заработка.
Не изненадува многу тоа што Hitman уште еднаш ќе биде прикажан во играна содржина, бидејќи во текот на своето повеќедецениско постоење беше продаден во повеќе од 25 милиони примероци.
Најновата Hitman игра доби GOTY едиција со дополнителна содржина, а се појави и радосна вест за љубителите на оваа игра дека студиото веќе работи на ново продолжение.