Прокуратие Векие на плоштадот „Свети Марко“ е една од најпознатите згради во Венеција, а сега е отворена за јавноста за прв пат во историјата.
Познато е дека на Венеција не ѝ недостигаат туристи, но нејзината последна отворена атракција има за цел да го искористи проблемот со прекумерниот туризам во градот насочувајќи ги посетителите кон општествена одговорност.
Неокласичната фасада на зградата изградена во раните 1500-ти, откако претходната верзија била уништена во пожар, е една од најпознатите разгледници од Венеција.
Сега за прв пат посетителите можат да пристапат до четвртиот и последниот кат, каде што е поставена постојана изложба под косиот покрив на зградата.
Зградата, која од 1832 година е седиште на италијанската осигурителна компанија Generali, беше подложена на петгодишно реновирање предводено од архитектот Дејвид Чиперфилд.
Додека Generali ги задржа канцелариите на вториот кат од зградата и ќе го изнајми третиот, четвртиот ќе стане седиште на Human Safety Net, проект кој им помага на загрозените поединци и семејства, вклучително и бегалци.
Дел од тоа е и hi-tech изложба што ретко се гледа во Венеција. Наместо да покрива историја или уметност, „Светот на потенцијалот“ се занимава со социјалните вештини преку технологијата.
Практичните експонати се дизајнирани да всадат мисла и емпатија кај посетителите, вклучуваат игри со тимска работа и една вежба во која посетителите можат да ја подигнат топката во воздух само со моќта на концентрација.
Со купување на билети за изложбата (од кои половината се наменети за The Human Safety Net, посетителите можат да пристапат и до кафулето на четвртиот кат, кое има две покривни тераси свртени кон куполите на базиликата Свети Марко и познатата камбанарија.
Терасите немаат поглед на плоштадот, бидејќи се наоѓаат под линијата на покривот на зградата. Меѓутоа, собите на последниот кат имаат прозорци со поглед на областа за која Наполеон се вели дека ја нарекол „Соба на Европа“.
