Една петтина од жените не се задоволни од тоа како им се одвива сексуалниот живот, открива анкетата што ја спроведе компанијата Lloyd Pharmacy.
Само 17% од испитаничките рекле дека се задоволни од тој сегмент од нивните врски. Една од 10 жени има секс еднаш годишно, а една третина водат љубов еднаш месечно или помалку.
Само 10% од 2.002 испитанички на возраст од 30 до 80 години рекле дека имаат секс барем еднаш неделно.
Четвртина од жените рекле дека понекогаш одбегнуваат секс бидејќи се уморни, 13% бидејќи се анксиозни, 11% бидејќи не чувствуваат интимност со партнерот, а 11% бидејќи чувствуваат болка при сексуален однос.
Речиси 6% од жените опфатени во исражувањето рекле дека нивниот партнер има проблем со ерекцијата.
Зачудува фактот што 27% од испитаничките рекле дека воопшто немале сексуални односи. Експертите велат дека двојките имаат проблеми во сексуалните односи бидејќи понекогаш се премногу зафатени или преуморни за да уживаат во него.
„Главниот проблем е немањето време. Луѓето кажуваат дека немаат време и енергија, дека чувствуваат притисок и дека им е тешко да престанат да мислат на работата. Опуштеноста за да имате секс не се случува сама од себе. Најчесто двојките го вметнуваат сексот во распоредот како обврска и кога ќе станат незадоволни од тоа како се одвиваат нештата, едноставно се откажуваат“, вели секс терапевтот Питер Седингтон.
